Павлодар қаласы білім беру бөлімі сараптау комиссиясының кезекті отырысы Павлодар қаласының № 6 сәбилер бақшасында 2019 жылдың 9 сәуірінде өтті. Отырыста № 6 сәбилер бақшасы, тәжірибелік алаң ретінде, коммуникативті-тілдік бағыты бойынша мектепке дейінгі гимназияның моделін бірнеше блокта ұсынды.

         Заманауи жабдықты пайдалана отырып, «Kids Fit» сауықтыру бөлімінде «Пилатес», «Йога» жұмсақ фитнес, «STEP» аэробика, «ZUMBA» спорттық биі қозғалысының жаңа бағыттары ұсынылды. Психологиялық блокта «Алғырлар мен тапқырлар» арт-терапиясын пайдалану арқылы, ерте таланттарды анықтау үшін балалармен жеке жұмыс жасалды. «Шабыт» блогында гимнастиканың бастауыш кезеңінде акробатика - джаз биінің элементтерін қоса, балет станогында жұмыс істеу. «Самғау» блогының вокал терапиясында, дауыстың қуатын, ән орындау өнері мен сипатын, музыкалық талғамды дамытуды үйренеді.

         «Сиқырлы ұлттық құралдар» блогының білім беру қызметінде көркем және эстетикалық талғамды тәрбиелеуде атрибуттарды қолдануды көрсетті. Театрға бейімдеу бөлімінде үш тілде сөйлеуді қолданып балалар «Баян батыр» жырын, «Жұлдыздар» ертегісін, ұлттық аспаптарды қолданып «Жыл басына таласқан хайунаттар» қойылымын ұсынды. «Авторлық идея» блогында балабақша тәрбиеленушілері еңбек экономикалық қызметінің құралдары мен жабдықтары туралы түпнұсқалық авторлық идеяларды ұсынды, мектепке дейінгі жастағы балаларды дамыту мен оқытудағы педагогикалық әдістер «Ұршық», «Диірмен», «Тұмарша», «Оқтау»,  «Тақия», «Белбеу», «Асық», «Білезік пен сақина», «Піспе шелек», сондай-ақ ұлттық тұмарлар болып табылады. «Оюлар үні» бөлімінде математиканың құпиясын білуде, ертегілер, әңгімелер, мақал-мәтелдер арқылы қазақ ұлттық ою-өрнектерінің барлық мүмкіндіктері көрсетілді. Мұның бәрі 33 текеметте жасалып көрсетілген (ұлттық кілемдер).

         Жұмыс қорытындысы бойынша Павлодар қаласы білім беру бөлімі әдістемелік кабинетінің сараптау комиссиясы  балабақшаның инновациялық тәжірибесін республика көлемінде жалпылауды ұсынып одан әрі даму перспективаларын белгіледі.