Оқушылардың  қалалық, облыстық  және  республикалық  олимпиадаларға қатысуға оқушылардың тиімді дайындығы, жалпы білім беру  пәндері бойынша теориялық білімін тереңдету, практикалық іскерліктері мен дағдыларын жетілдіру мақсатында Павлодар қаласы  білім беру бөлімі, «Павлодар дарыны» бос уақытты қамту және балалардың дарындылығын дамыту орталығымен олимпиядалық резервтің 2 мектебінде сабақ  басталды.

5 - 7 сынып оқушыларына арналған  «Жас ғалым» мектебі, 8 - 11 сынып оқушыларына арналған «Алтын сын» жоғарғы оқу орындарында және мектептерде сабақ 1 қазанда басталады және 1 маусымға дейін созылады. Мектептің оқушылар құрамы 2018 - 2019 оқу жылындағы математика, информатика, физика, химия, биология, география, Қазақстан тарихы, қазақ тілі  және әдебиет, орыс тілі және әдебиет, неміс тілі бойынша қалалық, облыстық олимпиада жеңімпаздары мен жүлдегерлер қатысушылары санынан және жаңа қор құрамынан құрастырылған. Сабақты ғылым кандидаттары, қаланың жоғарғы оқу орындарының оқытушылары өткізеді.