Қалалық білім бөлімі және «Павлодар Дарыны» балалар дарындылығын дамыту және жұмыспен қамту орталығы М. Әуезов атындағы жалпы орта білім беру мектебінде робототехника бойынша қалалық олимпиадасын өткізді. Олимпиаданың мақсаты - робототехника саласындағы дарынды, талантты және креативті оқушыларды анықтау.

№ 25 мектептің құрама командасы 2019 жылдың 27 қарашасында «Hackathon» форматындағы робототехника бойынша қалалық жарыста жалпы командалық есепте бас жүлдені иеленді. Олимпиада 2 санат бойынша: «Қиындықтар арқылы сызықтан өту» және «Hackathon» өтті. Қатысушы командалары «Қиындықтар арқылы сызықтан өту» жарысында аз уақыттың ішінде максималды ұпай жинап, кедергілерден оңай өтіп, берілген жол бойынша мәреге дейін жететін автономды роботты құрастырып, қазылар алқасына таныстыра білді. «Hackathon» категориясында қатысушылар инженер ретінде шығармашылыққа еніп, белгілі бір уақыт ішінде мәселені бірлесе отыра шешіп, құрылғының қолданыстағы түпүлгісін жинады.

Б. Момышұлы атындағы мектеп оқушыларынан құрылған команда бірінші орынға ие болды. Екінші орынды № 19, 26, 35 мектеп командалары өзара бөлісті, үшінші орынды № 1, К. Макпалеев атындағы ЖОМ, 5, 11, Кенжекөл ЖОМ иеленді. «Техноинтеллект» номинациясымен № 34 мектеп, «Жас робототехникшылар» - № 13 мектеп марапатталды. Олимпиадаға қаланың 35 мектебінен 140 оқушы қатысты.