6 жастан 18 жасқа дейінгі балалар арасында «AIGA» атты грэпплинг бойынша І-ші ашық облыстық чемпионаты өтті, ол 2019 жылдың 23 қарашасында басталды, Павлодар қаласына Нұр-Сұлтан, Екібастұз, Ақсу, Павлодар қалаларының мықты палуандары жиналды, соның ішінде Павлодар қаласы білім беру бөлімінің «Жігер» балалар-жасөспірімдер клубы «Өркен» бөлімшесінің тәрбиеленушілері бар.
Чемпионат қорытындысы бойынша «Өркен» клубының тәрбиеленушілері, № 37 ЖОМ оқушылары, спортшыларымыз 3 алтын, 5 күміс, 2 қола медальді иеленді.
Алтын медальға ие болғандар Набиолла Алдияр 50 кг салмақ дәрежесінде 14 - 15 жастағы қатысушылар арасында, Рахметолла Нұржан 40 кг салмақ дәрежесінде 12 - 13 жастағы қатысушылардың арасында, Сыздықов Ильхан 24 кг салмақ дәрежесінде 6 - 7 жастағы қатысушылардың арасында.
Күміс жүлдегерлері Төлеу Нұрғиса, 60 кг (16 - 17 жас), Молдахметов Бексұлтан, +65 кг (14 - 15 жас), Набиолла Алмаз, 26 кг (10 - 11 жас), Сыздықов Ислам, 30 кг (8 - 9 жас), Қанат Тамерлан, 27 кг (6 - 7 жас).
Қола жүлдегер атанғандар Кайргелды Дінмұхаммед, 45 кг (12 - 13 жас), Канатбай Санжар, 18 кг (4 - 5 жас).
Жаттықтырушы клуб педагогі Рщанов Алтынбек Серғалиұлы, Павлодар облысының аралас жекпе-жек бойынша аға төрешісі, халықаралық дәрежедегі төреші, ұлттық спорт түрі «Жекпе-жек» бойынша Қазақстан Республикасының чемпионы.