2024 жылғы 27 қазан күні Алматы қаласында «The Planet of ART»халықаралық байқауының көркемдік циклінің жеңімпаздарын марапаттау рәсімі өтті.Бұл байқауда Павлодар қаласының Балалар көркемсурет мектебінің оқушысы Ясмина Левадная, 15 жаста, гуашь техникасындағы «Өткеннің ұлылығы» жұмысымен жеңімпаз атанды, педагогы Айдана АрдаковнаМергалиева.Ясмин Левадная Алматы қаласында өткен марапаттау рәсімінде болып қайтты, онда конкурстың барлық жеңімпаздарының жұмыстарының қорытынды көрмесі, сондай-ақ балаларға арналған дамыту және оқыту бағдарламасы ұйымдастырылды. Левадная Ясмина дарынды, еңбекқор, өнерпаз бала. Әр түрлі байқаулардың тұрақты жүлдегері болып табылады. Мысалы, мамыр айында Астана қаласында өткен «Тайқазан» республикалық байқауында жүлдегер атанды.

     ЮНЕСКО клубтарының Қазақстан Ұлттық Федерациясы және ЮНЕСКО-ның Бүкіләлемдік клубтар мен қауымдастықтар Федерациясы,ЮНЕСКО және ИСЕСКО істері жөніндегі ҚР Ұлттық комиссиясы,ҚР Мәдениет және ақпарат министрлігі,Алматы қаласы әкімдігі мен ЮНЕСКО-ның Алматыдағы өңірлік кеңсесі ҚР Сыртқы істер министрлігінің қолдауымен конкурстың ұйымдастырушылары болып табылады.

      Конкурстың қатысушылары 3 пен 18 жас аралығындағы балалар мен жастар, олар ЮНЕСКО-ның Бүкіләлемдік мұра объектісінің тарихи немесе мәдени маңыздылығын көрсететін сурет салуы керек еді.

     Жеңімпаздар жұмыстарының көрмесі 2024 жылдың қараша айында Францияның Париж қаласындағы ЮНЕСКО-ның штаб-пәтерінде өтеді.