29 қаңтарда С.Торайғыров атындағы облыстық кітапхана «Айна» галереясында Павлодар қаласы Балалар көркемсурет мектебінің «Майры-3» құрылымдық бөлімшесінің педагог-қаламгерлерінің «Шығармашылық шуағы» атты көрмесі ашылды.Көрменің мақсаты Педагог-қаламгерлердің шығармашылық әлеуетін көрсету,олардың педагогикалық қызметімен қатар белсенді көркем практика жүргізетін кәсіби мамандар екенін таныту және педагог-қаламгер мен көрермен арасындағы ашық                             диалогты қалыптастыру.

              Экспозицияда мектептің 13 педагогының шығармалары ұсынылған, әрқайсысы өзіне тән көркемдік стиль, тақырыптық бағыт және орындау ерекшелігімен ерекшеленеді. Қатысушылар арасында бейнелеу өнері, графика, декоративті-қолданбалы өнер және мүсін өнері шеберлері бар. Әр қатысушы тек ұстаз ғана емес, сонымен қатар өз шығармашылығымен мектептің көркемдік ортасын қалыптастырып, ынталандыратын кәсіби художник.

           Педагог-қаламгерлер көрерменге креативті идеяларын, академиялық стильде және дәстүрден тыс техникаларда орындалған жұмыстарын ұсынды, әртүрлі материалдармен эксперимент нәтижелері көрсетілді.

        Жұмыстар жанрлар, бейнелеу стильдері, техникалар мен бағыттар бойынша кең ауқымды қамтиды: пейзаждар, портреттер, қазіргі заманғы декоративті сурет, көлемді композициялар, ұлттық-этникалық мотивтермен жұмыс, гобелен. Педагогтардың туындылары мазмұн жағынан да өте әртүрлі.

       Бамбуляк Анжелика Николаевна туған жердің пейзаждарын көрсетті: Баянауылдың қасиетті орындарын акварель техникасында, Боровое көлінің табиғатын майлы бояумен кенепке бейнеледі.Ахметжанова Татьяна Васильевна шығармашылық композициялар мен портреттердегі өзіндік қолтаңбасымен ерекшеленеді.Смыков Дамир Сериковичтің жұмыстарында қазақ халқының мәдени мұрасы, Астана қаласының сәулеті көрініс тапқан.

 Одарчук Екатерина Александровнаның «Көктемгі таң», «Тауыс», «Гүлдер» атты декоративті акрил туындылары ұсынылған. Ловина-Самошкина Александра Станиславовнаныңгобелен техникасындағы панно жұмысы көрмеге қойылды.       Сидоренко Оксана Валерьевна акварель қарындаштары мен фломастерлер арқылы қызықты пейзаждар мен әйел портреттерін бейнеледі.Степанко Валентина Петровна мен Степанко Раиса Петровна көлемді декоративті сурет техникасындағы жұмыстарын ұсынды.Дауренбеков Нурлан Мухаметжанович ұлттық тақырыптағы триптих композициясын орындады.Рахметов Бауржан Муратович гуаш техникасымен «Домбыралы қыз» жұмысын көрсетті.Хабылбекова Айгуль Орынбековна «Шолпан» атты жұмысты құрғақ қылқалам техникасында жасады.  Кусаинова Дина Айтмукатаевна Павлодар қаласының акварель этюдтерін ұсынды.  Канленов Медет Ерболович «Ат» атты пастель техникасындағы шығармасын көрсетті.

      -Көрме ұрпақтар арасындағы байланысты, шәкірт пен ұстаз арасындағы сабақтастықты көрсетеді. Экспозиция педагогтардың шеберлігі мен кәсіби деңгейін бағалауға, шығармашылық дамуға және тәуелсіз ізденіске ынталандыруға мүмкіндік береді. Педагог-қаламгерлердің көрмесі — бұл өнер, педагогика және шығармашылық шабыт мерекесі. Көрме тек көркем шеберлікті көрсету ғана емес, педагог- қаламгер мен көрермен арасындағы ашық диалог, кәсіби өнер мен оқу процесі арасындағы байланысты нығайтады. Ол ұрпақтар арасындағы байланысты, теория мен практика, мектеп пен қала мәдени кеңістігі арасындағы сабақтастықты қалыптастырады,- дейді Павлодар қ.Балалар көркемсурет мектебі-ЮНЕСКО клубының басшысы Ляйля Мағзамова.