«Балалар кітапханасы» бағдарламасы аясында Балалар көркемсурет мектебінің оқушылары Кисамиденова Алтын мен Құсайынова Динаның жетекшілігімен С. Торайғыров атындағы облыстық кітапхана бастамашы болған «Жанды кітап» жобасына қатысты. Оқушылар қазақстандық жазушы Асқар Тоқмағамбетовтің «Әке мен бала» шығармасын оқып, соның желісі бойынша сурет салып, 8 сәуір күні облыстық кітапханада өткен іс-шарада өз жұмыстарын таныстырды. Балалар өз туындыларын кескіндеме және графиканың түрлі техникаларында орындады.