Ақпараттық технология және бизнес коллдежіне экскурсия
ОӨК-ның 9-сынып оқушылары үшін колледжге қызықты әрі мазмұнды экскурсия ұйымдастырылды. Балаларға оқу-материалдық базасы, спорт залы, акт залы, асхана көрсетілді. Колледжде тәрбие жұмысына ерекше көңіл бөлінеді, бұл туралы колледж студенті және президенті Татьяна Манюгина айтып берді. Директордың орынбасары Динара Болатқызы Обухова облыс пен қаланың нарықтық экономикасы жағдайында колледж түлектеріне сұраныс артып келе жатқанын атап өтті. Колледжде бюджет қаражаты есебінен 9-11 сыныптар негізінде «Банк және сақтандыру ісі» және «Есеп және аудит» мамандықтары бойынша оқыту жүргізіледі. Колледж түлектері Алматы гуманитарлық - экономикалық университетінде оқуын жалғастыра алады. Студенттердің өндірістік тәжірибеден өтуі үшін колледжде қала кәсіпорындары - «Қазэнергокабель» АҚ-мен, «Kazinvoice – есеп айырысу-бухгалтерлік қызметі» ЖК-мен, «Павлодар облысы бойынша ПД» ММ-мен, «Стиль» ЖШС-мен, «Батыр-Павлодар» ЖШС-мен тұрақты серіктестік байланыс орнатылды.
Экскурсия барысында оқушылар көптеген пайдалы ақпарат алды.
