Мектеп кітапханасында Қазақстан Республикасы күніне арналған
«Қазақстан – менің Отаным, туған жерім!» атты патриоттық сағат өткізілді.

Іс-шараның мақсаты – 5 «Ә» және 6 «Ә» сынып оқушыларын еліміздің тарихымен, мемлекеттіліктің қалыптасу кезеңдерімен таныстыру, Отан тарихына деген қызығушылықты арттыру, азаматтық пен отансүйгіштік қасиеттерді тәрбиелеу.

Кітапхана маманы мерекенің шығу тарихы, Тәуелсіз Қазақстанның қалыптасу және даму кезеңдері, сол жылдардағы экономикалық, әлеуметтік және мәдени бағыттағы негізгі міндеттер туралы әңгімеледі.
Сонымен қатар «Қазақстан Республикасының Тәуелсіздігіне 10 жыл», «Қазақ хандары», «Қазақ мемлекеттілігінің тарихы», «Қазақстан – Тәуелсіздік жылдарында» сияқты кітаптарға шолу жасалды.

Оқушылар іс-шара барысында белсенділік танытып, Қазақстанның тәуелсіздік тарихы бойынша сұрақтарға жауап берді.
Патриоттық сағат мектеп оқушылары орындаған Қазақстан Республикасының Әнұраны бейнеролигімен аяқталды.