Бүгін 1–4 қазақ сыныптарының оқушылары үшін ерекше әрі ұмытылмас Жаңа жыл кеші өтті. Мерекелік шара жоғары деңгейде ұйымдастырылып, балаларға көтеріңкі көңіл күй мен жарқын әсер сыйлады.

Кеш барысында оқушылар өз өнерлерін ортаға салып, ән айтып, би билеп, тақпақтарын мәнерлеп орындады. Аяз ата мен Ақшақардың келуі мерекенің сәнін келтіріп, балалардың қуанышын еселей түсті. Балалардың жүзіндегі шаттық пен күлкі мерекенің шынайы көрінісіне айналды.

Аталған Жаңа жыл кеші балалардың өнерін шыңдап қана қоймай, олардың бойына сенім, достық пен бірлік сезімін ұялатқан тағылымды шара болды.
Мерекелік кешті жоғары деңгейде ұйымдастырған ұйымдастырушы Акимбекова Умут Қожаевнаға ерекше алғысымызды білдіреміз. Осындай әсерлі сәттер жүректерде ұзақ сақталып, жарқын естелік болып қалары сөзсіз.