Біздің мектептегі тәрбие жұмысы «Адал азамат» бағдарламасының басым бағыттарына сәйкес жүзеге асырылады. Біз білім алушылардың бойында азаматтық жауапкершілік, рухани-адамгершілік құндылықтар, отансүйгіштік және белсенді өмірлік ұстанымды қалыптастырамыз.

«Ұлттық Style» – оқушыларды ұлттық мәдениет пен салт-дәстүрлермен таныстыратын жоба.
Тақырыптық көрсетілімдер, шеберлік сағаттары, ұлттық мерекелер арқылы балалар мәдени мұраға құрметпен қарауды және ұлттық болмысты сезінуді үйренеді. Бұл – ұлттық бірегейлікті қалыптастыруға бастар жол.

«Ұрпақ үні» – көшбасшылық пен азаматтық белсенділікті дамыту алаңы.
Пікірсайыстар, қызықты тұлғалармен кездесулер, оқушылардың өзін-өзі басқару ұйымы арқылы балалар өз ойын еркін жеткізуге, жауапкершілік алуға және қоғам өміріне белсенді қатысуға дағдыланады.

«Асық strike» – ұлттық ойындарды дәріптеу, салауатты өмір салтын қалыптастыру, командалық рух пен белсенділікті арттыру жобасы.
Бұл – ұлт дәстүрлерін жаңғыртып, балаларды біріктіретін және шабыттандыратын бастама.

Біз тұлғаны, саналы азаматты және елжанды патриотты тәрбиелейміз.