Бүгін мектептің Жас Қауіпсіздік Инспекторлары (ЖҚИ) тобына жол қозғалысы ережелері туралы ақпараттық жадынамалар таратылып, маңызды ескертулер берілді. Іс-шараның мақсаты – оқушылардың жолда жүріс-тұрыс мәдениетін арттыру және қауіпсіздік талаптарын дұрыс орындауға баулу.

Оқушыларға жаяу жүргіншілерге арналған негізгі ережелер, бағдаршам сигналдарын сақтау, белгіленген өткелден өту және жолда өз қауіпсіздігін қамтамасыз ету бойынша түсіндіру жұмыстары жүргізілді. Сонымен қатар, күнделікті мектепке келу мен қайту кезінде сақтық шараларын қатаң сақтау керектігі атап өтілді.

Бұл жұмыс балалардың қауіпсіздігін нығайтуға және жауапкершілік сезімін дамытуға бағытталған.