№15 орта мектебінің оқушыларын бірыңғай  "Жас ұлан"  және "Жас қыран" балалар-жасөспірімдер ұйымдары қатарына қабылдауға арналған салтанатты сап түзеу өткізілгені туралы ақпарат.

№15 орта мектебінде оқушыларды бірыңғай "Жас ұлан" балалар-жасөспірімдер ұйымы қатарына қабылдауға арналған салтанатты сап түзеу салтанатты түрде өтті.  1-4-сынып оқушылары "Жас қыранға", ал 5-10-сынып оқушылары "Жас ұланға" қатысты болады. Жаңа қозғалыстың өз атрибуты бар -  еліміздің тәуелсіздік нышаны - қалықтаған  бүркіт пен алтын адам бейнеленген эмблемасы бар көгілдір галстуктер. "Жас ұлан" - бұл балалар мен жастарды қазақстандық патриотизм рухында тәрбиелеуге бағытталған балалар-жасөспірімдер ұйымы. Бүгінде таңдаулы деген балалар, белсенділер, мектеп намысын қорғаған оқушылар аталмыш бірлестік қатарына қабылданды. 21 оқушы "Жас қыран" қатарына қаылданса, 8 оқушы "Жас ұлан" қатарына қабылданды. Қатысушылардың ду қол шапалағымен галстуктер байланып, мектеп директоры мен сынып жетекшілері  жақсы тілектерін білдірді.  Балалар ұйымы - бұл толыққанды жеке тұлғаның қалыптасу көзі, қоғамның белсенді мүшесіің, азамат пен патриоттың, бастысы адамның қалыптасу бастауы. 

Аға тәлімгер:  А.С.Аширбекова