27.02.2025 жылы “№27 ЖОББМ” КММ-де болашақ бірінші сынып оқушыларының ата-аналарына арналған “Балапан мектебі” бағдарламасы бойынша жиналыс өтті. Жиын барысында ата-аналарға дайындық сабақтарының мақсаты мен мазмұны түсіндіріліп, мектепке дейінгі даярлықтың маңыздылығы туралы ақпарат берілді. Мұғалімдер балалардың мектепке бейімделу кезеңінде қандай дағдыларды қалыптастыру қажет екенін айтып, ата-аналардың сұрақтарына жауап берді.
Сонымен қатар, мектептің оқу үрдісі, білім беру әдістері және бірінші сыныпқа қабылдау ережелері жөнінде толық ақпарат ұсынылды. Жиналысқа қатысушылар өздерін қызықтырған сұрақтарды қойып, пайдалы кеңестер алды.
Барлық келген ата-аналарға белсенділік танытып, балаларының болашағына бей-жай қарамай, жиналысқа қатысқандары үшін алғысымызды білдіреміз! Біздің басты мақсатымыз – балаларға сапалы білім беріп, олардың мектепке сәтті бейімделуіне жағдай жасау.