28.01.2026 жылы АПҚО жоспары бойынша 10 - 11 сынып оқушыларының ата-аналарына арналған «Тұлғаның қалыптасуы: дербестікке құқық» тақырыбында ата-аналар жиналысы өтті.
Кездесу барысында жасөспірім кезеңінің ерекшеліктері, жауапкершілікті қалыптастыру, баланың дербестігін дамыту және ата-ананың қолдауы мәселелері қарастырылды. Ата-аналар пікір алмасып, талқылауға белсенді қатысып, шағын практикалық тапсырмалар орындады. Сондай-ақ балалармен тиімді қарым-қатынас орнату бойынша пайдалы кеңестер берілді.
Кездесуде жоғары сынып оқушыларының тұлғалық дамуына ата-ананың рөлі, сенімді қарым-қатынас құру және өмірлік жолын таңдауда қолдау көрсету мәселелеріне ерекше назар аударылды.
Мұндай шаралар мектеп пен ата-ана арасындағы ынтымақтастықты нығайтып, өскелең ұрпақты тәрбиелеуде ортақ бағыт қалыптастыруға ықпал етеді.