«Заң және тәртіп» айлығы және кәмелетке толмаған жасөспірімдер арасындағы құқықбұзушылықтың алдын алу жұмыстары аясында Закиржан Мамлютов пен Виталий Потеряевтің «Закладчики. Расплата» деректі фильмінің көрсетілімі ұйымдастырылды.
Фильм жастарды заңсыз әрекеттерге жетелейтін жалған «жеңіл табыс», жылдам байығысы келу секілді қауіпті иллюзияларды ашып көрсетеді. Бұл - өмірлік тағдырлар туралы ашық әрі шынайы әңгіме.
Іс-шараның мақсаты - жасөспірімдер мен жастардың өмірге деген саналы көзқарасын қалыптастыру, құқықбұзушылықтың алдын алу, өз әрекетіне жауапкершілікпен қарауға тәрбиелеу және сыни ойлауды дамыту.
Көрсетілімнен кейін пікір алмасу ұйымдастырылып, қатысушылар өз ойларымен бөлісіп, маңызды қорытындылар жасады.
Кейде бір деректі фильм - болашақты сақтап қалатын үлкен қадам.