2022 жылғы 2 ақпанда өзін-өзі тану пәнінің мұғалімі К.Б. Ганикельмен «Өзін-өзі тану: Махаббат пен Шығармашылық Педагогикасы» онкүндігінің ашылуы аясында 3 «В» сыныбында «Махаббат – бәрінің негізі» тақырыбында сабақ өткізілді. Сабақ барысында «Балаларға берілген жүрек» фильмі көрсетілді. Оқушылар Қазақстанның бірінші ханымы, адамгершілік-рухани ағарту бағдарламасының авторы, «Бөбек» қорының президенті Сара Алпысқызы Назарбаеваның өмірі мен еңбек жолымен танысты. Балалармен бірге махаббат, мейірімділік, өзара түсіністік, адалдық, жанашырлық, мейірімділік ұғымдары ашылды. Оқушылар абсолютті жалпыадамзаттық құндылықтар: шындық, сүйіспеншілік, әділ мінез-құлық, ішкі тыныштық, зорлық-зомбылық жасамау туралы өз пікірлерін білдірді.