2022 жылғы 1 маусымда сағат 11.00-де Естай атындағы қалалық мәдениет сарайында Павлодар облысының әкімі Әбілқайыр Сқақов өңірдің дарынды оқушыларымен, халықаралық, республикалық олимпиадалардың жеңімпаздары мен жүлдегерлерімен салтанатты кездесу өткізді. Оқу жылының қорытындысы бойынша біздің облысты әртүрлі деңгейдегі беделді іс-шараларда лайықты түрде таныстырғандарды құрметтеу дәстүрге айналды. Кездесуге қатысушылар-2021-2022 оқу жылының қорытындысы бойынша республикалық және халықаралық олимпиадалардың 62 жүлдегері, олардың ішінде біздің оқушы Березина Дарья, биология пәні бойынша республикалық пәндік олимпиаданың жүлдегері. Құттықтаймыз! Біз Дарьяға тек сәттілік тілейміз!