*Құрметті ата-аналар мен сынып жетекшілері!* «Кітап оқитын ұлт» жобасы аясында *«Кітап оқитын мектеп»* бағыты бойынша 2026 жылғы 12–13 қараша күндері 6–8-сынып оқушылары арасында конкурс өтеді. Құрметті ата-аналар, балаларыңызға қолдау көрсетіп, олардың кітап оқуға деген қызығушылығын арттыруға және конкурсқа дайындалуына көмектесулеріңізді сұраймыз! Байқау мектеп ішінде ұйымдастырылып, оқыту орыс тілінде оқушылары үшін 12.11.2026 жылы, оқыту қазақ тілінде оқушылары үшін 13.11.2026 жылы өткізіледі. Әдеби шығармалар оқушылардың жас ерекшеліктеріне сәйкес таңдалды. Төмендегі көрсетілген шығармалар оқуға ұсынылады: 6-сынып оқушыларына Бердібек Соқпақбаев «Менің атым Қожа», 7-8 сынып оқушыларына Бауыржан Момышұлы «Ұшқан ұя». Конкурс келесі кезеңдерден тұрады: *І кезең.* «Мен оқыған кітап» Қатысушы оқыған кітапты таныстырады. Кітаптың атауы, авторы, мазмұны, негізгі идеясы және оқушыға әсері туралы қысқаша айтып береді (әр оқушыға 3 минут). *ІІ кезең.* «Ойлан, жауап бер» Қатысушыларға берілген шығармадағы кейіпкерлер мен оқиғалар бойынша сұрақтар қойылады (3 сұрақ). *ІІІ кезең.* «Кітап – білім бұлағы» Қатысушыларға кітап оқу, әдеби шығармалар және оқыған кітаптары бойынша шығармашылық тапсырмалар беріледі.