«Құстар біздің досымыз» атты акциясының аясында балалардың құстар жайлы білімдерін толықтырып,тереңдетіп,қыстау мезгілінде өмірлерін жеңілдету үшін үлкен іс-шара өткізілді. Павлодар қаласының №40 жалпы білім беру мектебінің оқушылары «Қыс мезгілінде құстарды тамақтандыр» атты сайыста белсенділік танытты. Балалар ата-аналарының және ұстаздарының көмегімен құстарға жемсалғыш дайындап, оларды мектеп маңындағы ағаштарға қуана-қуана орнатып,енді құстардың күнделікті тамақтануларын қадағалап отырады. Сонымен қатар «Құстарды тамақтандырыңдар» атты шақыру акциясын өткізді. Мұнда оқушылар ауыл мекенін аралап, халыққа «Қыста құстарды тамақтандырыңдар!» жазуы жазылып және құстардың бейнелері суреттелген ақпарат парақшасын таратты.