Денсаулық күні
Балалар- біздің болашағымыз. Келешегіміз жарқын болуы үшін баланы жасынан спортқа баулу, өз денсаулығын күтуге, салауатты өмір салтын сақтау дағдысын қалыптастыру міндетіміз болып табылады.3 шілде күні «Кемпірқосақ» мектеп жанындағы лагерінде Денсаулық күні аталып өтті. Ұйымдастырушылардың бағына орай барлық қатысушылар көтеріңкі көңілді күйде болды. Күн жиыннан басталып, «Денсаулық күні» салтанатты түрде жарияланды. Таңғы жаттығудан басталып, таңғы астан соң спорт залда допты хоккей ойынын ойнады. Балалар жылдамдықпен, тапқырлықпен, ынтымақпен көзге түсті. Нәтижесінде достық жеңіп, барлығы ерекше күш пен денсаулыққа ие болды. Мереке тамаша өтті!
