Павлодар қаласы білім беру бөлімі әдістемелік кабинетінің жұмыс жоспарына сәйкес 2023 жылдың 23 ақпанында №41 жалпы орта білім беру мектебінде «Білім беру мазмұнын жаңарту үрдісінде оқушылардың 

білімін дамытудағы әдіс-тәсілдердің тиімділігі» тақырыбында қалалық  семинар өтті. Семинардың мақсаты:  жаңартылған білім беру аясында қазақ тілі мен әдебиеті пәндерін оқытуда қолданылатын әдіс-тәсілдерді тәжірибеде қолдану.

      Семинарға қаланың жалпы білім беретін  мектептерінің  қазақ тілі мен әдебиеті мұғалімдері қатысты. Бағдарламаға сәйкес  практикалық бөлім және қорытынды бөлімдері кезегімен жүргізілді. Практикалық бөлімде келген қонақтар мектептің қазақ тіл мен әдебиеті  мұғалімдері  Б.М.Кабиденова,  Д.А.Айдарханова, Г.А.Бисекеева,  Г.Х.Жакупова,  Р.Б.Мулькибаеваның  ашық сабақтарына қатысып, тәжірибемен алмасты.  Мұғалімдер ашық сабақ барысында оқушы дағдыларын дамытуға бағытталған түрлі әдіс-тәсілдерді тиімділігін көрсетті. Қорытынды бөлімінде  мектебіміздің қазақ тілі мен әдебиеті пәнінің мұғалімдері Жусупова Г.Ж., Ахметова М.К. мен Шапауова А.С. шеберлік сағаттарын өткізді. Ұстаздар шеберлік сағатында түрлі әдіс-тәсілдерді қолданып, тәжірибелерімен бөлісті. Семинар соңында мектеп басшысы Н.Ш.Рахимгожина мектеп тарапынан ұйымдастырылып отырған шараға белсене қатысып, өз тәжірибелерімен бөліскені үшін алғысын айтты. Ал қонақтар жүргізілген жұмыстарға кері байланыс беріп, өткізілген жұмыстардың тиімді, шынайы болғандығын, алдағы уақытта өз жұмыстарынан көрініс табатындарын айтып, бір-біріне келешек жұмыстарына шығармашылық табыс тілеп, мектеп ұжымына алғыстарын білдірді.