№ 41мектепте 2011 жылдың 17 қазанында «Жас қыран» және«Жас ұлан»  балалардың республикалық қозғалысының құрылуыаясында үлкен жиналыс өтті. Бұл «Жас қыран» және «Жас ұлан»  жобасы туралы ақпаратпен мұғалімдер мен оқушылар түгел танысты. Жоба бойынша 1-4-сыныптар арасында «Жас қыран», ал 5-9-сыныптар арасында  жеткіншектерге арналған «Жас ұлан» жобасы жұмыс жасамақ.

      Ұйымның мақсаты оқушылар мен жеткіншектерді патриоттық-отаншылдық рухта тәрбиелеу.

      Осы жобаны тәрбие үрдісіне енгізу барысында келесі міндеттерді атқара аламыз:

- мектеп қабырғасында балалар мен жасөспірімдер ұйымының алғашқы сатысын құра отырып, жұмыс алгритімін анықтау;

- ұрпақтар сабақтастығымен қамсыздандыру;

- ұйымның тәжірибелік бағытын жүйелі ұйымдастыру  жұмысын қолға алу арқылы, балалар мен жеткіншектердің отаншылдық сезімін ояту.

 Жиналғандарға ұйымның атрибуттары: логотипі, төсбелгісі, бұрышты галстугы және оның ерекшеліктері көрсетілінді.

«Жас қыран» ұйымының – бұрышты галстугының түсі - сары күн түстес, ал «Жас ұлан» ұйымында – шарфтың түсі көгілдір аспан түстес, ұлттық тудың түсіне сәйкес.

 Жиналыстың соңында жаңа ақпараттармен танысқаннан кейін мұғалімдер мен оқушылар өз ойларын ортаға салды, шетте қалып қойған адам болмады. Ұстаздар қауымы жаңа ұйым туралы толығырақ білгілері келетіндіктерін, біздің мектепке енгізуге дайын екендіктерін айттып жеткізді.