1 маусымда  Балаларды қорғау күні 41 ЖОБМ-да мектеп жанындағы лагерь және бейіндік лагерь салтанатты түрде өз есігін ашты. Әртүрлі бағытта (математика, шет тілі, әскери-патриоттық, тарихи, туристік, этнографиялық, ақпараттық) жұмыс істейтін «Жас  ұрпақ» бейіндік лагерінің сегіз отрядында 160-қа жуық оқушы демалады. Өткізілетін іс-шаралар отрядтардың бағытына байланысты жоспарланды. Қазақстан Республикасының Мемлекеттік Рәміздер күніне орай «Еліміздің рәміздері» атты викторина өткізілді. Барлық отрядтардың балалары белсене қатысып, викторинаның сұрақтарына жауап берді.