«Болашаққа бағдар: рухани жаңғыру» мақаласын іске асыру мақсатында
№ 41 ЖОББМ-де бұйрық шығарылып, жылдық жоспары құрылған . Оқу жылының басынан «Тәрбие және білім», «Рухани қазына» бағдарламасы аясында көптеген тәрбиелік іс шаралар өткізіліп келеді.
13 қаңтар күні 5 Ә сынып оқушыларының қатысуымен «Павлодарлық Ұлы Отан соғысының батырлары» атты тақырыпқа ерлік сабағы өтті.
Шара барысында оқушылар «Павлодарлық батырлар» туралы қызықты тарихи мәліметтермен танысты. Ұлы Отан соғысы кезінде 500-ден астам қазақстандық Кеңес Одағының батыры атанды, солардың қатарында Павлодарлық Кеңес Одағының батырлары Иван Бабин , Құдайберген Мағзұмұлы Сұрағанов, Қайырбаев Махмет Қайырбаевич, Елгин Андрей Николаевичтің өмірбаяндарымен танысты.
«Қазақстанның ержүрек батырлары» туралы бейнефильмді тамашалады.
Тарих пәнінің мұғалімі М.С. Кабдрасилов оқушыларға Ұлы Отан соғысындағы Жеңіске қазақстандықтардың қосқан үлесі жайлы мәлімдеді, соны танымдық, қызықты және қолжетімді формада жеткізді.
Батырлар туралы әр жерде шашырап жүрген ақпаратты бір жерде жинақтау; халыққа беймәлім, соғыстың нәтижесіне әсер еткен фактілерді жария ету барысында Үкімет тарапынан көптеген жұмыстардың атқарылып жатқанын айтты.