Қызықты өткен - қазақ тілі сабағы

Біз 8 «Г» оқушылары 5 сыныптан бастап, қазақ тілін тереңдетіп оқимыз. Бізге қазақ тілін оқу өте ұнайды. Әр оқу жылында қазақ тілінен және қазақ әдебиетінен ашық сабақтар, іс- шаралар өткіземіз, қабырға газеттерін шығарамыз, электронды презентациялар жасаймыз. Биылғы оқу жылында да осындай ашық сабақ өткіздік. Айта кетейін дегеніміз биыл біз қазақ тілін мультимедиалық кабинетте оқып жүрміз, электронды оқулықтармен, компьютермен әр сабақта жұмыс жасаймыз. Өзіміз мұғаліммен бірге әр түрлі тақырыптарға презентациялар: «Қазақстанның халқы», «Қазақстанның қалалары», «Тарихи ескерткіштер» т/б жасап, оларды сыныптың алдында қорғап үйренудеміз.

Қазақ тілі тілінен өткен ашық сабақтың тақырыбы: «Жамбылдың – балалық шағы». Сабақ өте қызықты, тартымды өтті. Себебі сабақты мұғалім қызықты ұйымдастырды. Сабаққа қонақтар келді. Олар: мектебіміздің қазақ тілі мен әдебиет пәнінің мұғалімдері және оқу ісінің меңгерушілері. Сабақты бір – бірімізге жақсы тілек тілеуден бастадық. «Иә», «жоқ» ойынын ойнай отырып, тақырыпқа шықтық. Алдымен Жамбылдың өмірі мен шығармашылығы жайлы оқулықта кездеспейтін көп тың деректерді слайд-шоу арқылы көріп тамашаладық. Оқулықтағы мәтінмен таныстып, талдадық. Компьютермен өзіміз жеке дара деңгейлік тапсырмалар орнындадық, мұғалім бізді қадағалып түсінбеген жерімізді түсіндіріп бағыт беріп отырды. Содан кейін «Жамбыл -мұражайы» атты видио көрдік. Сабақтың соңында электронды тест орындадық. Электронды тест өзі бағамызды көрсетті. Осылай сабағымызды қорытындылап, үйге тапсырма алдық.

Мұғаліміміз Негманова Құралай Уахитқызына көп алғыс айта отырып, шығармашылық табыс тілейміз.

8 «Г» сынып оқушыларының атынан

Айгерим Туртугул

желтоқсан 2010 жыл