«Патриот» айлығы аясында Мұхтар Әуезов атындағы мектепте «Жауынгерге хат» әскери-патриоттық акция өтті. Акцияға 5-9 сынып оқушылары қатысты.

Акцияның негізгі мақсаты оқушыларға әскери-патриоттық тәрбие беру, әскери мамандықтарды насихаттау және Отан қорғаушыларға моральдық қолдау көрсету болып табылады.

Балалар хаттарында өздері, болашақ жоспарлары, армандары, мектеп өмірі туралы жазды. Әскердегі сарбаздарға қызметтері, тактикалық дайындықтарына сәттілік тіледі. Келе жатқан Отан қорғаушылар Күнімен құттықтады.

Хаттар Батыс-Қазақстан облысы, Семей қаласы №36803 және №6679 әскери бөліміне, Қарағанды облысы, Приозерск қаласы, №06708 әскери бөлімдеріне жіберілді.

Сарбаздарға хат жазу көптеген балалар үшін өте маңызды және жауапкершілігі мол іс болды.