Бүгін Мұхтар Әуезов атындағы мектепте жаңа жылдық көңілді мереке өтті.

Педагогтер бастауыш сынып оқушыларына өте қуанышты, мейірімді және әдемі қойылымдар әзірледі. Мерекеде қызықты Аққала, сұлу Қыз-Жібек, батыл да епті Батыр, алғыр да тапқыр Алдаркөсе, кең пейілді Аяз ата мен Ақшақар балаларды әзіл-қалжыңмен қуантты.

Оқушылар мереке қарсаңында әсем киініп, көңілді келді. Олардың үміттері ақталды. Балалар шытырман оқиғалы мерекелік атмосфераға еніп, қызықты жарыстарға қатыса алды. Аяз атаның келуімен нағыз мереке басталып, шырша айналасында ән айтып ,би биледі.

Жаңа жылдық қойылым барысында мерекелік және сиқырлы атмосфера орнап, оқушылардың көңіл-күйі көтеріңкі болды.