Өскелең ұрпақты азаматтық және патриоттық тәрбиелеу, салауатты өмір салтын насихаттау мақсатында Мұхтар Әуезов атындағы мектепте Кеңес әскерінің Ауғанстан жерінен шығарылғанына 35 жыл толуына орай «Сарбаз» әскери-спорттық ойындарынан жарыс өтті.

Жарысқа 10-11 сынып оқушылары төрт командада келесі нормативтар бойынша қатысты: АК-74-ті жартылай бөлшектеу және жинақтау, АК-74 оқжатарды бөлектеу, ЖҚҚ кию, гиря көтеру, турникке тартылу.

Оқушылар ептілік, күш пен төзімділік, қару - жарақ пен спорттық снарядтармен жұмыс істеу қабілеттерін көрсетті.

Жарыс қорытындысы бойынша үздік қатысушылар дипломдармен марапатталды.