Бүгін Қазақстанның барлық өңірлерінде жыл сайынғы Халықаралық акция аясында «Жер сағаты» экологиялық акциясы өтті. Акцияға жер елшілері - мектеп парламенттерінің өкілдері, эко-белсенділер, экология саласындағы сарапшылар және ата-аналар қауымы қатысады.

Мақсаты - балалар мен жастардың санасына эко-белсенділік және экологиялық мінез-құлық идеяларын енгізу, экологиялық мәдениет дағдыларын дамыту.

«Жер сағаты» акциясы - Дүниежүзілік жабайы табиғат Қоры өткізетін жыл сайынғы халықаралық іс-шара, ол барлығын табиғатқа ұқыпты қарауға шақырады.

Бұл күні белгіленген уақытта әлемнің мыңдаған архитектуралық ескерткіштері мен маңызды ғимараттары жарықтандыруды бір сағатқа сөндіреді, жеке тұлғалар, кәсіпорындар, білім беру мекемелері, мемлекеттік және коммерциялық ұйымдар жарықты және басқа да электр құралдарын өшіреді, бұл планетадағы экологиялық мәселелерді шешуде әрекет ету қажеттілігіне қолдау көрсетеді.

Мұхтар Әуезов атындағы мектебінде акция өткізу шеңберінде оқушылар экологиялық мәдениет пен тәрбие туралы диктант жазды.