Экологияға ұқыпты қараудың белгісі саналатын жарық пен тұрмыстық электр құрылғыларын бір сағатқа символдық түрде өшіруден тұратын жыл сайынғы «Жер сағаты» атты халықаралық акциясы осы күндері бүкіл әлемде өткізілуде. Акция барысында әлемдегі ең танымал ғимараттар мен ескерткіштердің артқы жарығы сөнеді.

Акцияның мақсаты - қоршаған орта мәселелеріне назар аудару, электр энергиясын ұтымды тұтыну жайында еске салу.

Экологиялық акцияны қолдау мақсатында 23 наурызда сағат 20:30-дан 21:30-ға дейін (жергілікті уақыт бойынша) біздің мектеп ғимаратында электр қуаты өшірілді.

Біздің «Жер сағаты» атты халықаралық науқанына қатысуымыз планетадағы жалпы экологиялық мәселелерді шешуге аз болса да, өте маңызды үлес қосады деп үміттенеміз.