16-26 қыркүйек аралығында Павлодар қаласы білім бөлімінің әдістемелік кабинеті ұйымдастыруымен «Үздік авторлық бағдарлама» қалалық байқауы өтті.

Байқаудың мақсаты – мұғалімдердің шығармашылық іс-әрекетіне қолдау көрсету, түпнұсқа бағдарламаларды құруға және жүзеге асыруға көмектесу, педагогикалық жұмыс тәжірибесін тарату.

Байқауға Мұхтар Әуезов атындағы мектеп мұғалімдерінен 7 авторлық бағдарлама ұсынылды.

Алқалық сараптама комиссиясының қорытындысы бойынша 7 жүлделі орын анықталды:
1 орынға информатика пәнінің мұғалімі Ергашова Замира Шамуритовна, биология пәнінің мұғалімі Иванова Евгения Викторовна, ағылшын тілі пәнінің мұғалімі Макина Гүлжана Тулеубаевна ие болды.
2 орын – бастауыш сынып мұғалімі Дюсекеева Ләззат Бегалинқызы, қазақ тілі мен әдебиеті пәнінің мұғалімі Хамитова Әсемгүл Мырзатайқызы.
3 орын – бастауыш сынып мұғалімі Қиашова Інжу Жұмағалиевна, қазақ тілі мен әдебиеті пәнінің мұғалімі Шекеева Ардақ Теміргерейқызы.

Ұстаздарды жеңістерімен құттықтап, кәсіби қызметінде табыс тілейміз!