Облыстық «Аққу» жобасын іске асыру аясында 2024 жылғы 15 қарашада «Жігер» ҚДП КМҚК базасында «Қыз ерем - қылығымен көркем»байқауының қалалық кезеңі өтті.

Байқау оқушылардың бойында ұлттық сана-сезімді, қазақ халқының салт-дәстүрлеріне құрметпен қарауды қалыптастыруға бағытталған.

Байқауға Павлодар қаласының жалпы білім беретін мектептерінен 30-дан астам оқушы қатысты.

Байқау бағдарламасы бірнеше кезеңнен тұрды:
• «Мен «Аққу» клубы арқылы не таптым тақырыбы бойынша презентация ;
• үй тапсырмасы: белбеу белдігін дайындау және көрсету, оның шығу тарихы мен өрнектерінің мәні туралы әңгімелеу;
• қатысушылардың шығармашылық шеберлігі.

Байқауды құзіретті қазылар алқасы мынадай құрамда бағалады:
Максилова Бақытжамал Шахановна -«Нұр-Ана әлемі» ҚБ төрағасы,
Алия Кенесбековна Каужапарова - «Ғибрат әжелер» клубының мүшесі,
Рахметуллина Махаббат Сериковна-қосымша білім беру педагогы, Павлодар қаласының балалар техникалық мектебінің сәндік-қолданбалы өнер үйірмесінің басшысы,
Дамир Серикович  Смыков-Павлодар қаласының Балалар көркемсурет мектебінің құрылымдық бөлімінің басшысы.

Байқау қорытындысы бойынша Мұхтар Әуезов атындағы мектептің 9 Д сынып оқушысы Анель Айткужинова 3 дәрежелі  дипломмен марапатталды.

Құрметті, Анель! Сені құттықтаймыз, еңбек жолыңа шалқар шабыт, тартулы табыстар тілейміз! ‎