17 қаңтарда оқушылардың әскери-патриоттық рухын нығайтуға, Отан қорғаушы мамандығын дәріптеуге бағытталған «САРБАЗ - 2025» қалалық қысқы әскери-қолданбалы жарыстары өтті.

Жарыс барысында қатысушылар АК-74 автоматын бөлшектеу және жинақтау, дене дайындығы (белтемірге тартылу, денені көтеру), шаңғы жарысы және пневматикалық винтовкадан ату сияқты түрлі пәндерден шеберлік көрсетті.

Жарыс қорытындысы бойынша АӘД және ТД  мұғалімі  Даулет Оразгалиевич Балгиннің жетекшілігімен Мұхтар Әуезов атындағы мектеп оқушыларының командасы шаңғы жарысында 1 орын алды.

10 А сынып оқушысы Рамазан Аружан қыздар арасында атыс дайындығы бойынша жоғары нәтижелері үшін грамотамен марапатталды.

Жүлдегерлерді құттықтаймыз, жаңа биіктерге жетуді тілейміз!