«Үздік дене шынықтыру мұғалімі – 2025» байқауы әдеттегідей қала мектептерінің дарынды да өз ісіне берілген ұстаздарының басын қосты.

Құрамында дене шынықтыру және білім беру саласының мамандары бар қазылар алқасы әр қатысушыны мұқият бағалап, сайыс жеңімпаздарын анықтады.

Байқауда Мұхтар Әуезов атындағы мектептің дене шынықтыру пәнінің мұғалімі Каратаев Райымбек Құрманбекұлы жүлделі 3 орынға ие болды.

«Үздік дене шынықтыру мұғалімі-2025» байқауы дене шынықтыру мұғалімі мамандығы білім беру жүйесіндегі ең маңызды мамандықтардың бірі екенін тағы бір дәлелдеді. Ол тек терең білім мен дағдыны ғана емес, өз ісіне деген сүйіспеншілікті, өскелең ұрпақты дамытып, тәрбиелеуге деген ұмтылысты қажет етеді.

Райымбек Құрманбекұлын қол жеткізген нәтижесімен құттықтап, еңбегі мен қызметіне адалдығы үшін алғыс айтамыз!