Мұхтар Әуезов атындағы мектепте халықаралық әйелдер күні қарсаңында «Біз бүгін әйелдерді дәріптейміз!» атты мерекелік концерті өтті.

Мектеп басшысы Гульнәр Туиякқызы Топанова ұжымның көрікті де сұлу әйелдер қауымына бақыт, сұлулық, жарасымдылық және шабыт тіледі.
Өскелең ұрпақты оқыту мен тәрбиелеудегі қол жеткізген табыстары және көп жылғы жемісті еңбектері үшін мұғалімдер мен мектеп ұжымы мерекеге орай Павлодар қаласы білім бөлімінің Құрмет грамоталарымен марапатталды.

Акт залы көктемгі көңіл-күйге, қуаныш пен күлкіге толы болды. Сахнадан әсем өлеңдер, жанға жайлы әндер, қызықты сюжеттер, мың бұралған биші қыздар өнерлерін көрсетті. Мектеп парламенті дайындаған жарқын концерттік бағдарлама жадында шуақты, мерекелік көңіл-күй қалдырды!