Мухтар Әуезов атындағы мектептің педагогтары Оңтүстік полиция бөлімінің учаскелік инспекторларымен бірлесіп «Жасөспірім» жедел-алдын алу іс-шарасына қатысты.

ОПІШ - ішкі істер органдары білім, денсаулық сақтау, әлеуметтік қорғау мекемелері және басқа да мүдделі құрылымдармен бірлесе отырып жыл сайын өткізетін кешенді акция.

Аталған іс-шараның мақсаты – кәмелетке толмағандар арасында құқық бұзушылықтар мен қылмыстардың алдын алу, сондай-ақ қиын өмірлік жағдайға тап болған жасөспірімдерді анықтау және оларға көмек көрсету.

«Жасөспірім» ОПІШ-нің негізгі міндеттері:
• қолайсыз отбасылар мен әлеуметтік қауіпті жағдайдағы кәмелетке толмағандарды анықтау;

• кәмелетке толмағандарға қатысты заңнаманың, оның ішінде коменданттық сағаттың, алкоголь мен темекі өнімдерін сатуға тыйым салу талаптарының сақталуын бақылау;

• түсіндіру және тәрбиелік жұмыстар жүргізу;

• жасөспірімдердің жаппай жиналатын орындарын тексеру.

«Жасөспірім» акциясы 2025 жылғы 6 мамырға дейін жалғасады.