Мұхтар Әуезов атындағы мектептің 5–6-сынып оқушылары «Павлодар дарыны» балалардың қабілетін дамыту және жұмыспен қамту орталығының бастамасымен ұйымдастырылған TAZA PVL «Экология» қалалық акциясына қатысты.

Акцияның мақсаты – оқушылардың назарын қоршаған ортаның өзекті мәселелеріне аудару, экологиялық жауапкершілік санасын қалыптастыру және еңбекқорлыққа тәрбиелеу.

Акция аясында гүл егу, көкөніс дақылдарына арналған жер телімдерін дайындау, аумақты абаттандыру жұмыстары басталды.

Мұндай бастама мектеп ауласын көркейтіп қана қоймай, өскелең ұрпаққа экологиялық мәдениетті сіңіруге ықпал етеді.