Мұхтар Әуезов атындағы мектептің аға тәлімгері Шрейнер Виктория Олеговнаны «Дарынды балаларға - дарынды мұғалім» республикалық байқауының облыстық кезеңіндегі жеңісімен құттықтаймыз!

Байқауға оқушылардың зияткерлік және шығармашылық қабілеттерін дамытуға бағытталған тәрбие жұмысындағы кәсіби жетістіктерін, педагогикалық идеяларын, стандарттан тыс тәсілдерін көрсеткен жас педагогтер қатысты.

Байқау аясында Виктория Олеговна мектеп оқушыларының өзін-өзі басқаруын ұйымдастыру тәжірибесін ұсынды. Қазылар алқасы жас педагогтың өнерін жоғары бағалап, оған құрметті 1 орынды берді.

Виктория Олеговнаны лайықты жеңісімен құттықтаймыз, республикалық кезеңде табыс тілейміз!