Құрметті қазақстандықтар, ардақты әріптестер, ата-аналар, оқушылар!

Сіздерді ел тарихындағы аса маңызды мереке —
Қазақстан Республикасы Конституциясының 30 жылдығымен шын жүректен құттықтаймын!

Ата Заңымыздың қабылдануы — тәуелсіз мемлекетіміздің дамуына жол ашқан тарихи қадам болды. Конституция — еліміздің егемендігін бекітіп, демократиялық, құқықтық және зайырлы мемлекет ретінде дамуымыздың берік негізіне айналды.

Бұл мерекеде педагогтер қауымына айрықша алғыс білдіргімін келеді. Сіздер жас ұрпақтың құқықтық санасын қалыптастырып, заңды құрметтейтін, Отанын сүйетін азаматтарды тәрбиелеу жолында орасан еңбек етіп келесіздер. Әділеттілік, жауапкершілік пен елге деген сүйіспеншілік сияқты құндылықтарды оқушылардың жүрегіне дарыту — сіздердің еңбектеріңіздің нәтижесі.

Ата Заңымыз ел бірлігі мен бейбітшіліктің, татулық пен тұрақтылықтың кепілі бола берсін! Баршаңызға зор денсаулық, береке-бірлік, ел игілігі жолындағы еңбектеріңізге табыс тілеймін!

Мерекелеріңізбен! Қазақстан Республикасы Конституциясының 30 жылдығы құтты болсын!

Г.Т. Топанова