Павлодар қаласындағы Кенжекөл орта мектебінің базасында Кеңес әскерлерінің Ауғанстаннан шығарылғанына 36 жыл толуына орай дәстүрлі қалалық әскери-спорттық жарыстар өтті.

Іс-шараның мақсаты — оқушылардың бастапқы әскери және технологиялық дайындық бойынша білімдері мен практикалық дағдыларын нығайту.

Жарысқа қаланың 30 жалпы білім беретін мектебінің 10-сынып оқушыларынан құралған командалар қатысты. Сонымен қатар, шараға Ауған соғысының ардагерлері де қатысты.

Жарыстың негізгі кезеңдерінің бірі — қатысушылардан физикалық төзімділік пен тактикалық ойлау қабілетін, сондай-ақ командада үйлесімді жұмыс істеуді талап ететін кедергілер жолағынан өту болды.

Жарыс қорытындысы бойынша М. Әуезов атындағы мектептің командасы жоғары нәтиже көрсетіп, бастапқы әскери және технологиялық дайындық бағыты бойынша жетістігі үшін грамотамен марапатталды.

Команданың әскери жетекшісі — сержант Балғын Даулет Оразғалиевич.