Күзгі демалыс кезінде Мұхтар Әуезов атындағы мектептің 3–4-сынып оқушылары уақыттарын тиімді өткізіп, «Қамқор» жобасы аясында ұйымдастырылған қызықты «Орман қорғаушылары» атты экологиялық ойынға қатысты.

Іс-шараның мақсаты – экологиялық мәдениетті қалыптастыру және табиғатқа ұқыпты көзқарасты дамыту болды. Әдеттегі демалыстың орнына балалар қызығушылықпен интерактивті тапсырмаларды орындап, ребустар шешіп, экологиялық миссияларды орындады. Бұл кезде олар тапқырлықтарын, топтық бірліктерін және өсімдіктер мен жануарлар әлемі туралы білімдерін көрсетті.

Әр команда өзін нағыз табиғат қорғаушысы ретінде сезініп, қоршаған ортаны сақтау ісінде әр адамның үлесі маңызды екенін түсінді.

Күзгі демалыс балалар үшін тек демалыс емес, сонымен қатар жаңа білім мен әсерлер кезеңіне айналды. Ойын достық әрі қызықты атмосферада өтіп, қатысушыларға ерекше көңіл күй мен шабыт сыйлады!