Мектебімізде «Даналық мектебі» клубы аясында «Әже қолының сыры» атты жылы әрі тағылымы мол шеберлік сағаты өтті. Іс-шараның басты мақсаты — ұлттық құндылықтарды насихаттау, ұрпақтар сабақтастығын нығайту және үлкендердің өмірлік тәжірибесін жас ұрпаққа жеткізу.
Шеберлік сағаты барысында қатысушылар халықтық қолөнер элементтерімен танысып, өз қолдарымен бұйымдар жасап көрді. Әрбір іс-әрекет арқылы оқушылар ата-баба мұрасын сезініп, қол еңбегінің қадірін түсінді.
«Даналық мектебі» клубы аясында ұйымдастырылған мұндай іс-шаралар оқушылардың рухани-адамгершілік тәрбиесін қалыптастырып, үлкенге құрмет, кішіге ізет көрсетуге тәрбиелейді. Іс-шараға белсене қатысқан барша қатысушыларға алғыс білдіреміз!