Жаңа Конституцияның жобасы Қазақстанның сапалық тұрғыдан жаңа даму кезеңіне өткенін айқындайды.
Преамбулада біздің басты құндылықтарымыз : егемендік пен аумақтық тұтастық, халық бірлігі, әділеттілік, заң мен тәртіп, ұлтаралық келісім, мәдениетке, білімге, ғылымға және табиғатқа құрмет бекітіліп көрсетілген.
Адам құқықтары блогы күшейтілді. Құқықтар:өмір сүру құқығы, жеке бас бостандығы, жеке өмірге және дербес деректерге қол сұқпаушылық, кінәсіздік презумпциясы, ар-намыс пен қадір-қасиетті қорғау.
Билік жүйесі жаңартылды: Құрылтай енгізіледі, Вице-Президент институты құрылады, Конституциялық Соттың рөлі күшейтіледі, биліктің ауысуы мен сайлауларды өткізу тәртібі нақты белгіленеді. Конституцияға кез келген өзгеріс тек бүкілхалықтық референдум арқылы жүзеге асырылады.
Бұл — қалыптасқан, әділетті, егемен және болашаққа ұмтылған мемлекеттің Конституциясы.