Мұхтар Әуезов атындағы мектептің 9 «В» сынып оқушысы Нурмакова Аяна облыстық «Ұрпақ үні» жобасы аясында ұйымдастырылған «Абайдың тоғызыншы қара сөзі» челленджіне белсенді қатысып, өз өнері мен білімін жоғары деңгейде көрсетті.
Ұлы ақын Абай Құнанбайұлының қара сөздері – терең ой мен тағылымға толы асыл мұра. Әсіресе тоғызыншы қара сөзінде халқымыздың мінез-құлқы, ел бірлігі мен адамгершілік қасиеттері туралы тағылымды ойлар айтылған. Бұл сөздер жас ұрпақты білімге, еңбекқорлыққа, бірлікке және рухани кемелдікке шақырады.
Осындай тағылымды бастамаға атсалысқан шәкіртімізге алғыс білдіреміз және шығармашылық табыс тілейміз!