Қасиетті Рамазан айында және Наурыз мерекесі қарсаңында 10 «В» сынып оқушылары сынып жетекшісімен бірге қарттар мен мүмкіндігі шектеулі жандарға арналған үйге барып, шамамен 30 қарияға сыйлықтар табыстады.
Бұл кездесу оқушылар үшін нағыз өмірлік сабақ болды. Бір кездері бұл жандар өз балаларының қолынан ұстап, түн ұйқысын төрт бөліп, алғашқы қадамдары мен алғашқы сөздерін үйреткен еді. Ал бүгін өмірдің түрлі жағдайларына байланысты олардың көпшілігі жалғыз қалған. Олар сыйлықтан гөрі, ең алдымен, назарға, жылы сөзге және қарапайым адами қарым-қатынасқа мұқтаж.
Біз шынайы күлкілерді көрдік, баяу айтылған «рақмет» сөздерін естідік және кейде жай ғана қасында болудың өзі кез келген сөзден артық екенін ұқтық. Өкінішке қарай, бұл жерде қариялар әлдеқайда көп, және біз барлығын қамти алмадық. Барған кезде балалар күліп барса, қайтар жолда үнсіз еді — көздерінде мұң, жүректерінде жылу болды. Осындай кездесулер адамды өзгертеді. Олар өмірді бағалауға, бір кездері біз үшін өмір сүрген жандарды ұмытпауға және өзгенің ауыртпалығына бейжай қарамауға үйретеді.