Қазақ тілінде сөйлеу акциясы аясында мектебімізде «Ойлы сөз – озық тіл» интеллектуалды ток-шоуы өтті.
Шараның негізгі мақсаты – оқушыларды туған тілін құрметтейтін, тіл мәдениетін сақтайтын саналы азамат етіп тәрбиелеу, қазақ тіліне деген қызығушылығын арттыру.
Ток-шоу барысында оқушылар бірнеше кезең бойынша өз білімдері мен тапқырлықтарын көрсетті: «Таныстыру», «Зымыран сұрақтар», «Жеті жұрттың тілін біл», «Жүйрік болсаң, шауып көр», «Ойлы болсаң, озып көр».
Оқушылар сұрақтарға жауап беріп, мақал-мәтелдер құрастырып, үш тілде жұмбақтардың шешімін айтып, өздерінің білімдерін, ой ұшқырлығын және тілге деген сүйіспеншіліктерін көрсетті.
Осындай танымдық шаралар оқушылардың ана тіліне деген құрметін арттырып, білімге деген құштарлығын нығайта түседі. Өткізген: Абылова М.Ж., Абенова Г.К.