Мұхтар Әуезов ат. ЖОББМ жаңа игі дәстүрдің бастауы қаланды — жас мұғалімдер декадасы ұйымдастырылып, «Самғау» жас педагогтер клубының ашылуы өтті.
Мектептің жас мұғалімдері декаданың ашылуын жарқын әрі әсерлі түрде өткізіп, өз тәлімгерлері мен тәжірибелі ұстаздарды жылы қарсы алып, оларға арнайы атаулы ашықхаттар табыстады. Құттықтау сөзінде мектеп басшысы А.Т.Сачанов жас педагогтерге биік белестер, шығармашылық шабыт және кәсіби қызметтеріне табыс тіледі.
Жас мұғалімдер клубының модераторы Мусалимова С.Ж. өз сөзінде оқу жылы бойы жас мамандардың мектептегі әдістемелік және шығармашылық іс-шараларға белсенді қатысып, өз қабілеттерін таныта білгенін атап өтті.
Сондай-ақ, ерекше белсенділік танытқан келесі ұстаздарды атап өткіміз келеді: Козкина А.А., Кенжалина А.А., Дударева А.Д., Школьникова В.А., Зекен А.Б., Шрейнер В.О., Сулеймен Ж.С., Миронычев И.Е. және басқалар.
Шараның соңында әсерлі өлеңдер оқылып, «Ұстазым» әнімен аяқталды.