28 қыркүйек күні Ertis телеарнасының таңғы эфиріне дене шынықтыру пәнінің мұғалімі Әбелшаикова Асель Қабдоллақызы және 8 «В» сынып оқушысы Беркут Мирас шақырылды.
Кездесу барысында олар тоғызқұмалақтан өткен турнирден алған әсерлерімен бөлісті. Тоғызқұмалақ — қазақ халқының бай мәдени мұрасының ажырамас бөлігі болып табылатын зияткерлік ойын.
Әңгіме барысында тек жарыс, әсерлі сәттер мен қол жеткізген нәтижелер ғана емес, сонымен қатар одан да маңызды мәселе — ұлттық дәстүрлерді сақтау, қадірлеу және өскелең ұрпаққа жеткізу қажеттілігі туралы сөз қозғалды.
Ұлттық құндылықтарымызды дәріптеп, жас ұрпаққа насихаттау — баршамызға ортақ міндет!