Павлодар қаласындағы М. Әуезов атындағы мектебінде «Орыс тілі мен әдебиеті сабақтарында функционалдық сауаттылықты дамыту құралы ретіндегі тапсырма» тақырыбында облыстық әдістемелік десант өтті.
Іс-шара аясында жас педагогтер ашық сабақтар өткізіп, оқушылардың функционалдық сауаттылығын дамытуға бағытталған оқу тапсырмаларымен жұмыс істеудің тиімді әдіс-тәсілдерін көрсетті.
Бағдарлама әдістемелік диалог және практикум-конструктормен жалғасты. Оның барысында қатысушылар сабақты ұйымдастырудың заманауи тәсілдерін талқылап, кәсіби тәжірибе алмасты және практикалық бағыттағы тапсырмалар әзірледі.